Total Pageviews

Ninja Followers :)

Sunday, June 24, 2012

Pagninilay-nilay..

  Halos isang buwan nalang, kalahating taon na ako sa Call center world. Masasabi ko na naging masaya ako at natuto ako sa buhay ng dahil sa trabaho na pinasok ko. Isa akong Technical Support Representative, malayo sa propesyon ko na Nurse.

  Hindi ako nag iisa sa mundo ng CC na nurse. Madami kami sa loob ng opisina. Oo, malaki ang sahod ko kung ikukumpara sa pagiging nurse sa bansa natin. Pero hindi ako lubusang naging masaya sa mundong ito.Masarap na malaki ang kinikita ko, pero habang tumatagal, nawawalan ako ng gana..marahil alam ko sa sarili ko, HINDI ito ang trabahong pinangarap ko. Nakakalungkot isipin na dito ako bumagsak..sa isang bagay na hindi ko gusto..

  Isang buwan nalang, kung hindi ako mate-terminate, ako ang kusang aalis at hahanapin ko ang pangarap na hindi ko pa nararanasan na gusto ko makuha. Marahil dahil narin sa pag mamadali ko sa buhay ko na makapag hanap ng trabaho at kumita, hindi ako naging masaya. Pero hindi ako nag-sisisi dahil pumayag ako na magtrabaho dito.

  Ngayon, na-realize ko, Hindi kailangan mag madali at mag padalos-dalos sa lahat dahil the more na nagmadali ka sa pag de-decide, lalo ka nag kakamali. Lalo ka hindi nagiging masaya. Sa pag plano ko na mag pass ng IMMEDIATE RESIGNATION, alam ko na ngayon ang gagawin ko. Nakapag isip na ako. Alam ko na ang gagawin ko. May mga plano na ako.. Tutuparin ko na ang mga bagay na gusto ko talaga sa buhay. Kung mawalan man ako ng trabaho pansamantala, okay lang. Hindi lang Call Center ang trabaho sa buong mundo, hindi naman din ako isang kayod isang tuka at hindi naman ako ganun ka-gahol sa pera.

  Ang pera napapalitan yan, pero ang oras na tumatakbo, hindi na maibabalik. Promise, hindi na ako mag mamadali ulit. =')

Support nalang ang kailangan ko mga tsong! :)

No comments:

Post a Comment

Just say anything you want. :)